BUS HANTU

Ok Brur so siap mo tatigo ulang ? :D. qt're so bilang, so jaga baku kase inga kalo ada sementara ba ceke jangan baca ni artikel'yh bantar somo ada lai tu ta tigo hehe.

depe judul (BUS HANTU) Utu kalo nintau tu hantu,. itu dang bambao...!!! , kaka ade dorang dua. hihihi.. :)

suatu malam, nintau tempo apa itu qt le so lupa,
alo baru pulang kerja kong nae oto mikro so lat skali.
pas so di perjalanan tiba-tiba ada opa-opa misterius, ba tegor pa alo

opa : weeii nyoong....!! (denk suara serak² besae )

alo : (takage jaha ) ehhh kpa opa..?

opa : ngana mo bli buku horor? (sambil kse buku pa alo )

alo : oh bra..! brapa opa ? ( tako sdiki )

opa : ini dpe harga 300rbu hehehehe (tatawa pake suara besae sama deng tadi)

alo : haa ! kiyapaleh pe mahal bagitu opa? (ilang tako)

opa : ini kwa buku keramat so terkutuk

alo : oh io dank opa ki ki kita mo bli (tako ulang)

opa : mar nyong' ngana musti hati-hati pas di halaman terakhir, ngana musti stop baca, jang ngana mati.

lantaran bukang cuman 1 orang tu da mati da baca
depe halaman terakhir so 50 orang.

( ktika transaksi brhasil, itu opa lngsung turung, kong menghilang
di kegelapan malam )
( pas alo so di rumah, alo pun mulai ba baca )

halaman ke 5
alo : grgrggrrgrggrg ( so tako totofore gigi)
halaman ke 20
alo : hrhrhrhhrhrrhrh ( tako totofore sama deng babi somo toki )
halaman ke 60
alo : ztrtrztrtzrztrztrztz ( tako kong so basuar dingin sama deng paniki da ta sangko di pukat )
halaman ke 90
alo : shhjszhdghdfhsagh ( so tako basuar manggis sama deng tu anjing da dapa lia setang )

(pas maso halaman terakhir, so halaman 100 ini alo pe tako so nda dpa tahang, mar saking alo pe penasaran, dia abaikan tu opa pe pesan nimbole baca tu halaman terkhir, jangan mo mati)

(akhirnya alo buka halaman terakhir
kong dya baca)

halaman 100

JUDUL - ''BUS HANTU''
TEBAL ISI - ''100 halaman''
PENERBIT - ARMAN SUPARTO
HARGA - RP 12.500

ALO: MATI DI TAMPA~~~%^&*%^&#%^&%$&*

(buku 12.500 Kote tu opa jual 300rbu)

Wakakakaka Sapa pe opa itu kang,.? yang pasti bukang brur pe opa no hehe,.!!!

 

By fb @glen fors

Group fb (CERITA LUCU ALA MANADO)

Trimakasih telah mengunjungi artikel dengan judul " BUS HANTU ". Semoga ni cerita nda bekeng opa-opa dapa ide kreatif sama deng tu opa misterius haha :D.
 Jangn lupa untuk membaca artikel yang lainya. Salam' Torang Samua Basudara.